Monday 16 May 2011

Gujarati Kavita - “ગુજરાતી કવિતાઓ


*** અલકમલક *** 



કહેવાનું તો ઘણું હતું,
પણ કહી ના શક્યા કંઇ જ.

મનના અરમાન મનમાં જ રહ્યાં,
કરી ન શક્યાં કંઇ જ.

જોયું, જાણ્યું ને પીછાણ્યું,
એ વાતને હવે જવા દો,

કોઇ અલકમલકની વાતો.
આપણામાં મહેકવા દો,

દુનિયાની વાતો દુનિયામાં રહે
એ જ વધુ સારું છે,

આપણી વચ્ચે સારું છે,
આપણી વચ્ચે પ્રીત રહે,
એથી વિશેષ શું મારું છે?

રાત-દિવસ તમારી રહી,
સાંજ અમારી રહેવા દો,

બસ! રજા લઉં છું અહીં,
યાદ અમારી રહેવા દો,

-દિનેશ કુંભાની ૯૯૦૪૭૩૯૨૫૯ 


 *** મિલન ની તડપ *** 

દરરોજ અડધા કલાકની,
વાતમાં દોસ્તી વધી ગઇ,

દોસ્ત તારી યાદમાં હવે તો,
લાગે કે રાત પણ વધી ગઇ.

હવે તો નાની ખુશી પણ લાગે છે મોટી,
આ પ્રેમ છે કે મારી આશ વધી ગઇ.

જ્યારે સમય આવ્યો છૂટા પડવાનો ત્યારે,
ભાન થઇ કે દોસ્તીની હદ વધી ગઇ.

ત્રણ-ત્રણ મહિનાની જુદાઇથી,
તારા મિલનની તડપ વધી ગઇ.

બદલાઇ છે દોસ્તી પ્રેમમાં?
કે પછી દોસ્તીની વ્યાખ્યા વધી ગઇ.

લાગે છે ‘કાનુડા’ હવે તો,
તારી અહેમિયત ખુદાથી પણ વધી ગઇ.

કુંભાની  દિનેશ ૯૯૦૪૭૩૯૨૫૯



AKBHANDHA 







No comments:

Post a Comment